ازاله الموقع

السلام عليكم
ازيكم ياشباب ايجوث يارب تكونوا كويسين
ياريت نقف كلنا كده ونطالب بازاله الموقع ده وبلاش شغل العك ده
ويتعمل موقع رسمي للمعهد ويكون للمعهد موقع رسمي ولكل طالب اسم دخول ورقم سري يستلموا من المعهد ويتبع كل المحاضرات من عليه زي كل المعاهد اللي في كل الدنيا دا معهد خاص مش مدرسه انا اول مره اشوف معهد ليه منتدي مش موقع رسمي
هتقولوا ان المعهد ليه موقع اقولكم دا اتفقل ليه 3 سنين لحد دلوقتي وتم اهماله من زمان العيب فينا احنا مهملين مفيش حد بيتكلم

انت عارف يا بدورا ان المنتدي ده مجهود شخصي .
طيب مادام انت زعلان اعمل موقع في بي
ثم انك بتطالب بحذفة بصفتك ايه
اقولك اعمل مظاهرات وقول الطلبة تريد اسقاط المنتدي
ولا اقولك نعملك منتدي حبيبة ايجوث
لا بلاش
قولي امتي سيدتك تأمر بحذف المنتدي واحنا ننفذ

اولا السلام عليكم ورحمة الله وبركانه
يارجالة هو فيه ايه عايزين تزيلوا الموقع هو الموقع بتاع مييييييين ! مش بتاعكم انتو
لكن اكيد له إدارة وله هيكل وعلى علم من إدارة المعهد وبالاخص العميد الدكتور (يحي صلاح صابر المصرى) , ده احنا لما عرضنا الفكرة قبل ما نعمل الموقع ده رحب بيه العميد جدا جدا .
وقال احنا كنا مفتقدين شباب زيكم يا استاذ عامر انت والاستاذ محمد ( العمرى البطل )
وإسالوا الاستاذ محمود شبيب علي الكلام ده , وعلي فكرة الناس استفادت جدا من الموقع من كافة النواحي والموقع اتعمل في خلال يوم علي يد ( الدكتور يحي المصري ) وعامر وعمري
واحنا سالنا عن موقع نشتغل عليه قالوا لينا انه موقع إيجوث الخاص بالمعهد مقفول والباسوردات مع معرفش المهندس مييين الي كان بيديره ومسئول عنه فا احنا لو لاقينا موقع نشتغل عليه
ما كناش هنتعب نفسنا ونسهر طول الليل نضبط في االموقع انا وعامر
فيا رجاله لو سمحتم قلولنا لو الموقع بيضر او بيسىء لحد طيب نعرف ازاي
فلو يا رجاله ايجوث فيه من بيننا حد مش كويس في الموقع ممكن نزيله هو نهائيا من االمنتدي
زي ما عملنا قبل كده واستشيروا اصحاب المنتدي اللي هما انتم
فالموقع يا رجاله ما اتعملش علشان يتزال ولا علشان حد يفرض رايه ويقول نزيل الموقع
الراي راي الجميع والاستاذ عامر اولا ثم بقيت هيكلة المنتدي والموقع مش مصدر هزل ولا تهريج
الموقع اتعمل علشان الكل يستفيد مش يخرف فيه باي كلام ولا موضوع مش كويس
والموقع اتعمل بالموافقه من العميد وادارة المعهد فلاش نعمل حاجة ونزيل الموقع وبعد كده نرجع نقول ياريت الي جري ما كان
اشوف وشكم بخير متي القاكم
واستودعكم الله اللذي لاا تضيع وداعه إن الله لا يضيع وديعة من استودعه
والسلام عليكم .