الموضوع كله عنوان الموضوع( موصلتش للدبلره

كلام حقيقي وبيحصل
عمركم جربتوا النجاح؟؟ وكلمة النجاح مش قصدي بيها النجاح دراسيا بس انا قصدي النجاح بصفة عامة
مثلا نجاحك في علاقتك مع اهلك او نجاح في علاقتك العاطفية او نجاحك في شغلك وغيره وغيره.......
اكيد فرحت صح؟؟؟ طبعا صح ده لما الواحد بيكسب في جيم بلاي ستيشن بيبقي فرحان وهيموت من الفرحة هههههههههههه تصور بقي لو روحت تشوف نتيجتك ولقيتك جايب جيد جدا ولا واحد في ثانوية عامة مثلا لقي نفسه جايب 97% مثلا ولا لو شوفت في عنيك البنوتة اللي بتحبها سعادة بعلاقتكم مالهاش وصف وياسلام بقي لو لقيت مدير شغلك مطلعلك مكافأة عشان انت ناجح في شغلك ولا لما مامتك وبابا علي الرايحة والجاية يدعولك
طب مش بزمتك نفسك تبقي كده؟؟ مش نفسك تحس انك ناجح في كل حاجة اكيد هتكون اسعد انسان في العالم
بصوا انا هعتبر كل اللي قولته ده مجرد مقدمة..... بس اللي جاي اهم
لان انا مش عاوز اتكلم علي النجاح بصفة عامة لالالالالا انا عاوز اتكلم عن نوع واحد بس
النوع اللي انا بشوفه داااااائمااا وكلامي موجه ليكم و لكل اللى ف كليات ..............طبعا فهمتووني
ياااااااااااااااااه صباح الروقان
بصوا يا جماعة اي حد في كلية وبيذاكر من اول يوم دراسة واي حد واي حد بيحضر جميع المحاضرات وبيجيب كتب الكلية ويعد يدح فيها يارييييييييت مايقراش الموضوع ده
وانا متاكد ان كل الناس هتقراه طبعا ههههههههههههههههه
بصوا يا جماعة بجد انا مش هقدر اصلح الكووون لان اننا مش ملااااك ......
.انا مطر هههههههه
بس كل اللي عاوزه اني اطرح الموضوع واسمع تعليقاتكم وارائكم عليه
كل الشباب والبنات اللي بيخلصوا ثانويه عامة وبيدخلوا كلية اكيد بيبقوا عاوزين يخرجوا من حالة الهم والغم اللي هما كانوا فيها ومذاكرة ليل ونهار وتعب وسهر ودروس طبعا بيدخلوا الكليات عاوزين ينطلقوا.
طب ده جميل مش وحش بس المهم مفهوووم الانطلاااق ده عندهم ايه؟؟

المهم مفهوم الانطلاق عندهم ان مايذاكروش تكلم اي حد منهم عن المذاكرة ولا عن اي مادة يقولك لالالالالالالالالا فكك مني ياعم انا مش طالبة معايا مذاكرة السنة دي
ولا بقي الناس اللي يقولولك لالالالالالالالالا انا مش هذاكر غير اخر اسبوعين
والناس المعتمده اعتماد كلي علي ورق الكورسات اللي بيتباع في مكتبات جنب الكلية
والافظع بقي الناس المعتمده علي صحابهم اكتر من اعتمادهم ع نفسهم تكلم الواد من دول يقوولك ياعم الواد هيثم بياخد كورسات في جميع المواد وهيظبطنا في الاخر اركن انت بس وماتفكرش في حاجة
طب افرض عم هيثم ده مات قبل الامتحان هتعمل ايه ههههههههههههههههه بعد الشر عليه طبعا ده هيثم ده حبيبنا كلنا
طب ليه مانجربش نعتمد علي نفسنا ليه مانجربش نحضر محاضرات ونكتب بايدينا ليه ليه مانجربش نذاكر بجد
ده انت ياعم اعدت 12 سنة تروح مدرسة وتنزل دروس ده غير انك كنت كل يوم بتصحي بدري وترجع تذاكر مش قادر تستحمل اربع سنين كمان ؟؟؟
بصوا ياجماعة انا مش بقولكوا ذاكروا من اول يوم في السنة ولا برضه بقولكوا ماتشتروش ورق الكورسات اللي بيتباع
بس ياريت نحاول نذاكر ونعمل اللي علينا الواحد لو حضر كل المحاضرات وسمع للدكتور هيعرف ع الاقل المواد بتتكلم عن ايه وده هيساعده لما ييجي يذاكر مش يبقي اول مرة يفتح المادة وكمان ماعندوش اي فكرة عنها ده كده يبقي ضياااع فعلااا اينعم ساعات الواحد مش بيفهم من دكتور معين ومش بيحبه ساعتها بقي ممكن يدور علي ورق الكورسات او ياخد كورس في المادة المهم نعمل اللي علينا ونجتهد دي كلها اربع سنين ونتخرج
فكرت يوم ما تلاقي نفسك متخرج وبقيت حاص علي بكاليريوس كذا ولا ليسانس كذا هتبقي عامل ازاي؟؟؟
هتبقي اكيد فرحااااااااااااان ولا بقي لما تدخل علي باباك ومامتك وانت بتقولهم انا نجحت واخدت البكاليريوس
هتشوف فرحة في عيونهم عمرك ماشوفتها
صدقوني اللي بيضيع سنة من عمره ممكن مايحسش بقيمتها دلوقتي لكن بعد ماتمر السنين ويلاقي ناس اصغر منه بقت معاه في نفس السنة ساعتها هيندم ندم جامد اوووي وهيقول ياريتني ركزت وعديت
ياريت يا جماعة كل اللي مستهتر بدراسته يفكر كويس مع نفسه ويحس بقيمة السنين اللي بتضيع منه
والوقت كالسيف ان لم يقطعه قطعك
ياريت الموضوع ده يكون وصلكم بشكل كويس وتحسوا اني بجد مش عاوزة منه غير نصيحة ليكم يارب تاخدوا بيها

وانا حبيت اعمل الموضوع دا لان لقيت نفسى واحد من الناس دى بس لسه موصلتش للدبلره و ان شاء الله متحصلش لحد فينا خالص

والله نصائح غالينا لاخوانا الطلبة وياريت بنظروا اليها شكرا مطر مشاركاتك فعالة جداااااااااااااا